သင့်ဦးနှောက်ကို ထက်မြက်စေတဲ့ နည်းလမ်း၇ရပ်

သင့်ဦးနှောက်ယိုယွင်းခြင်းမှ ကာကွယ်ရန်နဲ့ သင့်ရဲ့သိမြင်မှုဆိုင်ရာစွမ်းဆောင်ရည်မြှင့်မားမှုကျဆင်းခြင်းမှ ထိန်းသိမ်းခြင်းဟာ အမြဲတမ်းထိပ်တန်းကျန်းမာရေးဦးစားပေးတစ်ရပ်ဖြစ်သင့်ပါတယ်။ ခြုံကြည့်မယ်ဆိုရင် သင့်ဦးခေါင်းထဲရှိ ဗဟိုအာရုံကြောမကြီးစနစ်ရဲ့ အဓိကအစိတ်အပိုင်းဖြစ်တဲ့ မီးခိုးရောင်အပိုင်းဟာ ခန္ဓာကိုယ်တစ်ခုလုံးရှိ အရေးကြီးတဲ့လုပ်ငန်းဆောင်တာမှန်သမျှကို ထိန်းချုပ်ပေးပါတယ်။

ဒါကြောင့် သင့်ရဲ့မှတ်ဥာဏ်စွမ်းဆောင်ရည်မြှင့်မားမှုကို တိုးပွားစေရန်နဲ့ ကျန်းမာသောဦးနှောက်ထိန်းသိမ်းစောင့်ရှောက်မှုကို အထောက်အကူဖြစ်စေရန်Star 2 reportထဲရှိ Alzheimer’s Association အသင်းက အောက်ပါလမ်းညွှန်ချက်အချို့ ကို ချမှတ်ပေးထားပါတယ်။

၁။လေ့ကျင့်ခန်း (Exercise)

များပြားစွာလေ့လာဆန်းစစ်မှုအရ လေ့ကျင့်ခန်းနဲ့ မှတ်ဥာဏ်ချို့ယွင်းမှုရောဂါ(Alzheimer’s disease)အန္တရာယ်လျော့ကျမှုအကြားရှိ ဆက်စပ်မှုကို ထောက်ပြပါတယ်။ ယောဂ၊ အက၊ဥယျာဉ်စိုက်ပျိုးခြင်း၊အလေးမခြင်းနဲ့ ပြေးခြင်းအပါအဝင်  ရွေးချယ်စရာ ရုပ်ပိုင်းဆိုင်ရာလှုပ်ရှားမှုများစွာရှိတဲ့အတွက်ကြောင့် ဆက်လက်လှုပ်ရှားပါ။ 

၂။သင်ကြားမှုကို မရပ်ဆိုင်းပါနဲ့ (Don’t stop learning)

သင့်အသက်အရွယ်ဘယ်လောက်ရှိတယ်ဆိုတာ ကိစ္စမရှိပါဘူး။ ပညာရေးနဲ့ သင်ယူခြင်းကို ဘဝမှာ ဘယ်အခိ်ျန်မဆိုလုပ်ဆောင်နိုင်ပြီး သိမြင်မှုဆိုင်ရာလျော့ကျမှုနဲ့ မှတ်ဥာဏ်ချို့ယွင်းမှုအန္တရာယ်ကို လျော့နည်းစေပါတယ်။ ၂၀၁၅သြစတြေးလျလူမျိုးလေ့လာမှုတစ်ခုမှာ အသက်အရွယ်ကြီးသူများအတွက် ကောလိပ်သင်ရိုးများဟာ သိမြင်မှုစွမ်းရည်တိုးပွားစေပြီး အယ်လ်ဇိုင်းမားဖြစ်မှုအန္တရာယ်ကို လျော့ပါးစေကြောင်း ဖော်ထုတ်တွေ့ရှိခဲ့ပါတယ်။ 

၃။ ဆေးလိပ်ဖြတ်ပါ။ (No smoking)

စီးကရက်သောက်ခြင်းက သတိမေ့ခြင်းနဲ့ သိမြင်မှုစွမ်းရည်လျော့ကျခြင်းနဲ့ ဆက်စပ်နေကြောင်း လေ့လာတွေ့ရှိရပါတယ်။ ၂၀၁၃Welsh research သုတေသနတွေ့ရှိချက်အရ မှတ်ဥာဏ်ယိုယွင်းကျဆင်းမှုကို ဦးတည်နေတဲ့ အဓိကအချက်များစွာထဲမှ ဆေးလိပ်သောက်ခြင်းက တစ်ခုအပါအဝင်ဖြစ်တဲ့အတွက်ကြောင့် မကောင်းတဲ့အလေ့အထကို အရေးတကြီး ဖြတ်ပစ်ဖို့လိုပါတယ်။

၎။ ကြိုတင်သတိပေးခြင်း (Heads up)

သင့်ဦးခေါင်း (သို့) ထို့ထက်ပိုဆိုးရင် ဦးနှောက်ကို ထိခိုက်ဒဏ်ရာရရှိမယ်ဆိုရင် သိမြင်မှုစွမ်းရည်လျော့ကျခြင်းနဲ့ သတိမေ့ခြင်းကို သိသိသာသာအန္တရာယ်တိုးမြှင့်စေနိုင်ပါတယ်။ ဒါကြောင့် လိမ့်ကျခြင်းမှကာကွယ်ရန် သတိကြီးစွာထားပြီး ထိုင်ခုံခါးပတ်ပတ်ခြင်းနဲ့ တစ်ယောက်နဲ့တစ်ယောက်ခန္ဓာကိုယ်ချင်းထိခိုက်လွယ်တဲ့အားကစားမျိုး(ရပ်ဂ်ဘီ၊ဟော်ကီ)ကစားတဲ့အခါ (သို့) မော်တော်ဆိုင်ကယ်စီးတဲ့အခါမျိုးမှာ ခေါင်းစွပ်၊ ဦးထုပ်ဆောင်းခြင်းဖြင့် ကိုယ့်ကိုကိုယ်ကာကွယ်ဖို့ အရေးကြီးပါတယ်။ 

၅။ ကျန်းမာသောအစားအစာ(Healthy diet)

အသီးအနှံနဲ့ ဟင်းသီးဟင်းရွက်များများစားခြင်းဟာ သိမြင်မှုစွမ်းရည်လျော့ကျခြင်းအန္တရာယ်ကို လျော့ကျစေဖို့ အထောက်အကူဖြစ်စေကြောင်း လေ့လာတွေ့ရှိရပါတယ်။ ဒါ့အပြင် ကောင်းမွန်သောအဆီကြွယ်ဝတဲ့ မြေထဲပင်လယ်အစားအစာကို သံလွင်ဆီ၊ အခွံမာသီး၊ငါးတွေမှာ တွေ့နိုင်သလို အိုမီဂါ(၃)ကြွယ်ဝတဲ့အစားအစာများလည်း ဦးနှောက်ကျန်းမာရေးကို မြှင့်တင်နိုင်ပါတယ်။ 

၆။ ကောင်းကောင်းအိပ်စက်ပါ။(Sleep well)

အိပ်စက်မှုမလုံလောက်ခြင်းနဲ့ အိပ်မပျော်ခြင်းဟာ မှတ်ဥာဏ်နဲ့စဉ်းစားတွေးခေါ်မှုပြဿ      နာများ ဖြစ်ပေါ်စေနိုင်ပါတယ်။ ဒါကြောင့် အိပ်မပျော်(သို့) အိပ်ပျော်နေစဉ်အသက်ရှူ ကြပ်တတ်တဲ့လူများဟာ အိပ်ပျော်စေဖို့နဲ့ ထိုးထွင်းသိမြင်နိုင်မှုလျော့ကျခြင်းကို အချိန်မီကြို တင်ကာကွယ်နိုင်ဖို့ သမားတော်နဲ့ တိုင်ပင်ဆွေးနွေးပြသသင့်ပါတယ်။ 

၇။ မိတ်ဆွေများနဲ့ရင်းရင်းနှီးနှီးနေပါ။ (Keep friends close)

ချီကာဂိုတက္ကသိုလ်မှ သုတေသီများရဲ့၂၀၁၄လေ့လာတွေ့ရှိချက်ကတော့ လူမှုရေးရာကိစ္စလှုပ်ရှားမှုများမှာ တက်ကြွစွာပါဝင်ဆောင်ရွက်ခြင်းဟာ အသက်ရှည်စေနိုင်ပါတယ်တဲ့။ ဝါသနာအသစ်တစ်ခုကို ကြိုးစားရှာဖွေခြင်း၊ မိတ်ဆွေများနဲ့ မိသားစုတွေနဲ့အတူ အချိန်ပိုပေးခြင်းဖြင့် သင့်ကို ပိုမိုပျော်ရွှင်စေနိုင်ရုံသာမက စိတ်ပိုင်းဆိုင်ရာလည်း ပိုမိုကျန်းမာသန်စွမ်းစေနိုင်ပါလိမ့်မယ်။

(Reference- 7 tips to keep your brain sharp from MIMS on 2 Jul 2016 by Orlando Lee)