Hazeဆိုသည်မှာ လေထုထဲရှိ ရေခိုးရေငွေ့များသိပ်သည်းရာမှ စွတ်စိုထိုင်းမှိုင်းမှုများပြီး ဖုန်မှုန့်၊မီးခိုးငွေ့နဲ့ ရေခိုးရေငွေ့ အဖြစ် လေထုထဲပျံ့နှံ့ကာ အမြင်မှုန်ဝါးစေပါတယ်။ ထိုသို့ဖြစ်ရခြင်းရဲ့ အခြေခံအကြောင်းရင်းမှာ လျှပ်စစ်စွမ်းအင်လည်ပတ်ရန်အတွက် စက်ရုံကြီးများ၊ ကုန်ထုတ်စက်မှုလက်မှုလုပ်ငန်းများ၊ ယာဉ်အများအပြားနဲ့ အထွက်နှုန်းတိုးအောင် အဆင့်မြင့်ထွက်ကုန်ဖြစ်စေရန် နောက်ဆုံးပေါ်ဓါတု၊ဇီဝနည်းပညာသုံး၍ စိုက်ပျိုးထုတ်လုပ်ခြင်းမှ ထွက်လာတဲ့ညစ်ညမ်းသောအရာတို့မှ ဖြစ်ပါတယ်။ HAZE pollution ဖြစ်ရခြင်းမှာ အခြားတိုင်းပြည်လေဟာနယ်မှ ဖြတ်သန်းလာပြီးနောက် လေထုသိပ်သည်းဆနဲ့ ပါဝင်မှုပမာဏမှာ သတ်မှတ်ပမာဏနှုန်းထားထက် သာလွန်မှုရှိသောကြောင့် ဖြစ်ပါတယ်။ အမေရိကန်၊ သြစတြေးလျနဲ့ ဥရောပတိုင်းပြည်များတွင် ပူပြင်းခြောက်သွေ့တဲ့နွေရာသီမှာ တောမီးလောင်ရာမှ စတင်ဖြစ်ပွားပြီး အရှေ့တောင်အာရှနိုင်ငံတွင် အထူးသဖြင့် မေလနဲ့အောက်တိုဘာလကြား အချုိ့တိုင်းပြည်များမှာ တောရှင်းဖို့ သစ်တောများမီးရှို့ရာမှ ဆိုးရွားသော ထပ်တလဲလဲပြဿသ နာများ နှစ်စဉ်ကြုံတွေ့နေရပါတယ်။
တိုင်းပြည်တခုစီမှာ လေထုစံနှုန်းအခြေအနေကို တိုင်းတာတဲ့ ကိုယ်ပိုင်ကိန်းညွှန်း ကိုယ်စီရှိကြပါတယ်။ မိမိတိုင်းပြည်ရဲ့ နောက်ဆုံးရလေထုပမာဏအခြေအနေအတွက် သက်ဆိုင်ရာ ကျန်းမာရေးအာဏာပိုင်အဖွဲ့အစည်းမှ ကြိုတင်သတိပေးနှိုးဆော်ချက်များကို စဉ်ဆက်မပြတ် စောင့်ကြည့်လေ့လာရပါမယ်။ သက်ဆိုင်ရာနိုင်ငံအသီးသီးမှ အောက်ပါဝက်ဆိုဒ်ကနေ စစ်ဆေးကြည့်ပါ။
|
Pollutant Standards Index(PSI)ညစ်ညမ်းမှုစံနှုန်းပြကိန်းညွှန်းဆိုသည်မှာ အချိန်မီ၊တိကျ၊အလွယ်တကူနားလည်နိုင်တဲ့ နေ့စဉ်လေထုပမာဏအခြေအနေပြ သတင်းအချက်အလက်ဖြစ်ပါတယ်။ ဇယားကိုကြည့်ပါ။
၂.၅မိုက်ခရိုမီတာထက်သေးသော မှုန်မွှားတဲ့အမှုန်အပါအဝင် ၁၀မိုက်ခရိုမီတာအရွယ်ထက်ငယ်သော လေထဲပျံ့နှံ့နေတဲ့ အစိုင်အခဲနဲ့အရည်အပိုင်းအစများစုပေါင်းကာ အဆုတ်ထဲသို့ နက်ရှိုင်းစွာထိုးဖောက်ဝင်ရောက်နိုင်ပါတယ်။ အဆိုပါသေးငယ်မှုန်မွှားတဲ့အရွယ်အစားကြောင့် လေထဲတွင် ကြာရှည်စွာနေနိုင်ကာ အကွာအဝေးရှည်လျားစွာ ဖြတ်သန်းရောက်ရှိပြီး တိရစ္ဆာန်များနဲ့ လူသားများက ရျှူ ရှိက်ဖို့အခွင့်အလမ်းပိုမိုရရှိစေပါတယ်။ ရှူ မိပါက သွေးလွှတ်ကြောထဲဝင်ပြီး တစ်ရှူးတွေက စုပ်ယူလိုက်ပါတယ်။ ခန္ဓာကိုယ်ထဲရှိ အခြားဒြပ်စင်မော်လီကျူးများနဲ့ပေါင်းစပ်ပြီး(ဥပမာ- LDLလို့ခေါ်တဲ့ မကောင်းတဲ့ကိုလက်စရောနဲ့ဓါတ်ပြုကာ ရောင်ရမ်းစေပါတယ်။
|
လေထုညစ်ညမ်းမှုနဲ့ ကျန်းမာရေးအကျိုးသက်ရောက်မှု
|
|||
|
PSI
|
ကျန်းမာရေး ပြ အုပ်စု
|
ကျန်းမာရေးအကျိုးသက်ရောက်မှု
|
ကြိုတင်ကာကွယ်မှုများ
|
|
၅၀အထိ
|
ကောင်း
|
မရှိ
|
မရှိ
|
|
၅၁-၁၀၀
|
အသင့်အတင့်
|
မရှိ(သို့) ကန့်သတ်သော ယေဘူယျလူဦးရေအတွက်
|
မလိုအပ်
|
|
၁၀၁-၂၀၀
|
မကျန်းမာ
|
ဓါတ်မတည့်သူများအတွက် သင့်တင့်တဲ့ လက္ခဏာပြပြီးကျန်းမာတဲ့လူတွေကိုလည်း ဖြစ်စေပါတယ်။
|
နှလုံးနဲ့အသက်ရှူလမ်းကြောင်းဆိုင်ရာဝေဒနာ အနည်းငယ်ရှိသူများ ကိုယ်လက်
လှုပ်ရှားမှုနဲ့ အပြင်ထွက်ြ ခင်းကို လျှော့ပါ။
|
|
၂၀၁-၃၀၀
|
အလွန်မကျန်းမာ
|
ထူးခြားတဲ့လက္ခဏာများ-နှလုံးနဲ့အဆုတ်ဝေဒနာရှင်များမှာခန္ဓာကိုယ် လှုပ်ရှားမှု
(သို့) လေ့ကျင့်ခန်းစွမ်းဆောင်မှု ခံနိုင်ရည်လျော့ကျခြင်း၊ကျန်းမာရေးကောင်းသူအုပ်စုတွင်
အထွထွေရောဂါလက္ခဏာအချို့ ပြသခြင်း။
|
အသက်ကြီးသူများနဲ့ ဖျားနာသူများ အိမ်ထဲမှာပဲနေပြီးကိုယ်ကာယလေ့ကျင့်ခန်းလျှော့လုပ်ပါ။အလွန်အမင်း
ပြင်ပ လှုပ်ရှားမှုပြုလုပ်ခြင်းကို အတတ်နိုင်ဆုံး ရှောင်ကြဉ်ပါ။
|
|
၃၀၀ကျော်
|
အန္တရာယ်
|
ရှင်းလင်းထူးခြားတဲ့ ပြဿနာအပြင် ရောဂါကနဦးအစ သွင်ပြင်လက္ခဏာပြသကဲ့သို့
ခန္ဓာကိုယ်လှုပ်ရှားမှု (သို့) လေ့ကျင့်ခန်းစွမ်းဆောင်မှု ခံနိုင်အား လျော့ကျနိုင်ခြင်း။
ကျန်းမာရေးအုပ်စုပြကိန်းညွှန်း ၄၀၀ထက်ကျော်လွန်လာရင် ဖျားနာသူများနဲ့ သက်ကြီးရွယ်အိုများ
ကောင်းမွန်စွာ မကုသလျှင် အရွယ်မလွန်မီ သေဖို့ အလားအလာရှိခြင်း၊ ကျန်းမာသူများအနေနဲ့
သာမန်လှုပ်ရှားမှုမျိုး ကိုတောင် မလုပ်ဆောင်နိုင်တဲ့ လက္ခဏာများပင် ရှိလာနိုင်ပါတယ်။
|
သက်ကြီးရွယ်အိုနဲ့ ဖျားနာသူများ
အိမ်မှာပဲနေပြီး ကိုယ်လက်လှုပ်ရှားမှုကို ရှောင်ပါ။ ၄၀၀ထက်ကျော်ပါက ပြင်ပထွက်ခြင်းကို
ရှောင်ပါ။ လူတိုင်း အိမ်ထဲမှာ နေကြပါ။ပြတင်း၊ တံခါးများအားလုံးကို ပိတ်ပါ။ ကိုယ်လက်လှုပ်ရှားမှုကို
အကန့်အသတ်နဲ့ လုပ်ပါ။
|
လတ်တလောလေ့လာမှုအရ သူတခုတည်းဖြစ်စေ(သို့)တခြားလေထုညစ်ညမ်းမှုအရာနဲ့ဖြစ်စေ ထိတွေ့မိပါက အရွယ်မတိုင်ခင် ကွယ်လွန်ခြင်း၊ အသက်ရှူကြပ်ခြင်း၊ပန်းနာရင်ကြပ်ကို ဆိုးရွားစေခြင်း၊ ဆေးရုံတက်ရောက်မှုပိုများလာခြင်းနှင့် အရေးပေါ်ခန်းတွင် စစ်ဆေးစမ်းသပ်ခြင်း၊ ကလေးများမှာ အသက်ရှူလမ်းကြောင်းဆိုင်ရာရောဂါလက္ခဏာများ အဖြစ်များပါတယ်။ အဖြစ်အများဆုံးကတော့ ကလေးငယ်များ၊ သက်ကြီးရွယ်အိုများနဲ့ နာတာရှည်အသက်ရှူလမ်းကြောင်းဝေဒနာသည်များ ဖြစ်ပါတယ်။
ဓါတ်မတည့်မှု၊ Hazeပြင်းထန်မှုနဲ့ ထိတွေ့မှုကြာချိန်ပေါ် မူတည်ပြီး အောက်ပါဆိုးကျိုးများ အချိန်ကာလအနည်းငယ်အတွင်း ကြုံရတတ်ပါမယ်။
-မျက်စိယားယံခြင်း၊ မျက်ရည်ကျခြင်း၊ မျက်စိယောင်ရမ်းခြင်း။
-နှာရည်ယိုခြင်း၊နှာခေါင်းပိတ်ခြင်း၊ နှာချေခြင်း၊ ချွဲသလိပ်များနှာခေါင်းထဲနှင့်လည်ချောင်းထဲတွင် စုပုံနေခြင်း၊
-လည်ချောင်းယားခြင်း၊ အာခေါင်ခြောက်ခြင်း၊ လည်ချောင်းနာခြင်း(သို့) ချောင်းဆိုးခြင်း။
-ခေါင်းကိုက်ခြင်း၊ မူးဝေခြင်း၊ မောပန်းနွမ်းနယ်ခြင်း၊ စိတ်ဖိစီးခြင်း။
-အဆုတ်စွမ်းဆောင်ရည်လျော့နည်းခြင်း၊ အသက်ရှူ လမ်းကြောင်းခုခံနိုင်မှုကို လျော့ကျစေခြင်း။ ရင်ခေါင်းနာ(သို့) အဆုတ်ရောင်ခြင်း။
သို့သော် အိမ်ထဲမှာပဲနေပြီး Haze နဲ့ထိတွေ့မှု သိပ်မရှိရင် အထက်ပါလက္ခဏာများမှာ မပြင်းထန်ပဲ အနည်းငယ်သက်သာလျော့ပါးစေမှာ ဖြစ်ပါတယ်။
အောက်ပါအချက်များမှာ ကြာရှည်စွာ ထိတွေ့မိရင် ရနိုင်တဲ့ အန္တရာယ်အကျိုးဆက်အချို့ ဖြစ်ပါတယ်။
- နှလုံးရောဂါအခံရှိသူများမဟုတ်တဲ့ လူကြီးတွေကို အဆိုပါမီးခိုးမှုန်တွေနဲ့ ကြာကြာထိတွေ့ခိုင်းပြီး PM2.5 readingsဖြင့် တိုင်းတာကြည့်ရာ တမြို့ ထဲနေပြီး မီးခိုးမှုန်ထိတွေ့မှုမရှိသူတွေထက် သွေးလွှတ်ကြောထူနှုန်းပိုမြန်လာကြောင်း နှိုင်းယှဉ်တွေ့ရှိရပါတယ်။ အမှုန်လေးတွေက အချင်း၂.၅မိုက်ခရိုမီတာ(သို့)ပို၍သေးငယ်နိုင်ပြီး အီလက်ထရွန်မိုက်ခရိုစကုပ်ဖြင့်သာ မြင်နိုင်ပါတယ်။ အချင်း၁၀မိုက်ခရိုမီတာ(သို့)၄င်းထက်သေးငယ်တဲ့ ဖုန်မှုန့်၊ ဆံချည်မျှင်တမျှင်တွေထက် အဆပေါင်းများစွာ သေးငယ်မှုန်မွှားလို့ အဆုတ်ထဲ အလွယ်တကူဝင်ရောက်နိုင်ပါတယ်။ ကြာကြာထိတွေ့မှုများလေ သွေးလည်ပတ်မှုစံနစ်ပုံမမှန်ဖြစ်နိုင်ချေများလေ ဖြစ်နိုင်ပါတယ်။
- နှလုံးရောဂါရှိသူများ ကြာကြာထိတွေ့ပါများရင် သေဆုံးဖို့ အန္တရာယ်ပိုများပြီး လအနည်းငယ်မှ နှစ်အနည်းငယ်အထိသာ ဘဝသက်တမ်းတိုသွားစေပါတယ်။
- အဆိုပါအမှုန်တွေထဲတွင်၁၀ ပတ်ကြာ နေထိုင်သွားလျှင် အသည်းမှာ အမာရွတ်များလာကာ ဇီဝဖြစ်စဉ်ပျက်ပြားပြီး အသည်းစွမ်းဆောင်ရည်လျော့ကျလာပါလိမ့်မယ်။
- အဆိုပါညစ်ညမ်းလေထုဟာ အင်ဆူလင်ကို ခံနိုင်ရည်ရှိပြီး ရောင်ရမ်းခြင်းနဲ့ ဆီးချို ဖြစ်ဖို့ အားပေးပါတယ်။
- အိမ်ထဲနေသူများနဲ့ ယာဉ်ထိန်းရဲများရဲ့ အသက်ရှူ လမ်းကြောင်းရောဂါကို နှိုင်းယှဉ်လေ့လာကြည့်ရာ ယာဉ်ထိန်းရဲများမှာ သူတို့ရဲ့တာဝန်ကြောင့် မီးခိုးမှုန်တွေနဲ့ထိတွေ့မှုများတဲ့အတွက် အသက်ရှူ လမ်းကြောင်းဆိုင်ရာရောဂါနဲ့ အဆုတ်စွမ်းရည်ကျဆင်းမှုကို ပိုမိုဖြစ်ပွားလွယ်ကြောင်း တွေ့ရပါတယ်။ လူကြီးတွေမှာ နှာခေါင်းမြှေးရောင်ရမ်းခြင်းနဲ့ မွေးကင်းစကလေးငယ်များ အသက်ရှူ လမ်းကြောင်းဆိုင်ရာ ဖျားနာခြင်းတို့ ဖြစ်တတ်ပါတယ်။
- ကိုယ်ဝန်ဆောင်မိခင်များ အလိုအလျောက် ကိုယ်ဝန်ပျက်ကျခြင်း၊ ပေါင်မမီကလေးငယ်မွေးခြင်း၊ကိုယ်အဂါင်္ချို့ ယွင်းခြင်းနဲ့ ကလေးအသေတွေ မွေးတတ်ပါတယ်။
- အပြင်ထွက်လှုပ်ရှားမှုများ အထူးသဖြင့် အားကစားလှုပ်ရှားမှုကို ရှောင်ပါ။
- သင့်အိမ်နဲ့ရုံးခန်းထဲသို့ မီးခိုးမှုန်တွေမဝင်နိုင်အောင် ပြတင်းပေါက်နဲ့တံခါးပေါက်အားလုံးကို ပိတ်ထားပါ။ လေအေးစက်အဲကွန်းရှိရင် ဖွင့်ထားပေးပါ။ ရာသီဥတုကလည်း အလွန်ပူနေမယ်၊ အဲကွန်းလဲမရှိရင်တော့ လေဝင်လေထွက်မရှိတဲ့အတွက် အသက်ရှူ ကြပ်ကာ အန္တရာယ်များပါတယ်။ ဒါဆိုရင် တခြားအရိပ်ရမဲ့နည်းလမ်းကို ရှာပါ။
- အမှုန်များကို သန့်စင်စစ်ထုတ်ဖယ်ရှားဖို့ ကိုယ့်အိမ်အရွယ်အစားပေါ်မူတည်ပြီး လေသန့်စင်စက်အမျိုးအစားကို ရွေးချယ်အသုံးပြုပါ။
- အဲကွန်းများကို ပုံမှန်ဆေးကြောခြင်းနဲ့ ဆားဗစ်စင်းလုပ်ပါ။ ဘာလို့လဲဆိုတော့ အမှုန်တွေက အဲကွန်းအပေါက်တွေထဲမှာ ဝင်ရောက်လာနိုင်ပါတယ်။
- နှလုံးနဲ့ရင်ကြပ်ဝေဒနာရှင်များ.ဆေးကိုပုံမှန်သောက်ပေးပါ။ အသက်ရှူ မရတော့ရင်တော့ ဆေးရုံကို ချက်ချင်းသွားပါ။
- ရေများများသောက်ပါ။ လတ်ဆတ်တဲ့သစ်သီးဝလံနဲ့ ဟင်းသီးဟင်းရွက်များများစားပေးပါ။ ၄င်းတို့ဟာ အရေပြားနဲ့အဆုတ်ကနေစုပ်ယူပြီး ခန္ဓာကိုယ်မှ အဆိပ်အတောက်ကို ဖယ်ထုတ်ပေးခြင်းကို ကူညီပေးပါတယ်။ ကော်ဖီနဲ့ အရက်ကို လျှော့သောက်ပါ။ ဘာလို့လဲဆိုတော့ ရေဓါတ်ဆုံးရှုံးမှုကို အားပေးပြီး ခန္ဓာကိုယ်မှ အာဟာရများကို စွန့်ထုတ်လျော့ပါးစေပါတယ်။
- အိမ်ခန်းထဲဆေးလိပ်သောက်ခြင်း၊ ဂတ်စ်မီးဖိုသုံးခြင်း၊ မီးလှုံခြင်း၊ဖယောင်းတိုင် အမွေးတိုင်နဲ့ မီးခိုးထွက်စေလောင်စေတဲ့အရာများ မီးရှို့ခြင်းနဲ့ ထွန်းခြင်းတို့ကို ကန့်သတ်စွာ သုံးခြင်း(သို့) ရှောင်ကြဉ်ပါ။
- အမြင်မှုန်ဝါးဆိုးရွားလာရင်တော့ ကားမမောင်းသင့်ပါ။ public transportကို သုံးပါ။ မမောင်းမဖြစ်မောင်းရရင်တော့ အရှိန်လျှော့မောင်းပါ။ ကားပြတင်းမှန်တင်ပြီး ရှေ့မီးဖွင့်ပါ။ လမ်းကျဉ်းကျဉ်းလေးကို မမောင်း၊ မီးပွို င့်တွေကို မစောင့်ဘဲ ကျော်ဖြတ်ခြင်းမျိုးကို ရှောင်ပါ။ နိုးနိုးကြားကြားနဲ့ နေပါ။
- အရမ်းဆိုးရွားတဲ့အခြေအနေရောက်လာပြီဆိုပါက သင့်နှာခေါင်းနဲ့ပါးစပ်ထဲ ညစ်ညမ်းတဲ့အမှုန်တွေဝင်ခြင်းမှ စစ်ထုတ်ဖယ်ရှားပေးဖို့ အပြင်ထွက်ရင် နှာခေါင်းစည်း အုပ်ပေးပါ။ အိမ်ထဲမှာနေလည်း တပ်ထားဖို့ လိုတဲ့အခြေအနေဆိုရင် အုပ်ပေးစည်းပေးထားပါ။
No comments:
Post a Comment